तू असतीस सोबतिला तर काही फरक असता माझ्यात ..
तू नसतानाही फरक वाढतोय माझ्यात ..
कधी न थांबणारे हसणे , आज चटकन संपते ..
मन मात्र वेडे दुसरीकडे भिरभिरे .
शांत बसताना कित्येकदा हसू गालावर यायचे ..
आता मात्र अश्रु गालावरून सरके .
थांबवताना तुला , हात तुझा कित्येकदा खेचला ..
पण आज सुटलेला हात , मीच मागे घेतला .
तू सोबत नाहीस याची खंत मनाला लागून आहे ...
तू आहेस ह्यातच मनाला रमवून आहे .
वेळ सरकता कदाचित , चित्रे ही बदलतील ..
पण तुझ्या चित्रांची वेळ , मनात थांबली आहे .
सोबतीस असताना अनेकदा भिन्नतेचे क्षण चिंतले ..
आज ते जगताना तुझ्या सोबतीस स्मरले .
सवय तुझ्या सोबतीची चटकन जडून गेली ..
पण सवय एकटेपणाची, तुजसम अजुन दूरच आहे ..
