मृगजळ

खरच हे जीवन एका मृगजळा सारखेच आहे.
सदैव माणूस न मिळणाऱ्या गोष्टींच्या,
ध्यासाने चालत राहतो .. धडपडतो .

कित्येकदा मृगजळ समजून तो ,
हातातल्या गोष्टीनाही भ्रम समजतो.

खरच ह्याचे अस्तित्व कोण बरे ठरवितो ?
आपले डोळे , मन , का आपला मेंदू ?

एका अर्थाने पाहिले तर हे पडसाद आहेत,
थकलेल्या , हरलेल्या मनाचे ...
जे गाठू पाहतात स्वप्ने अल्पश्या प्रयत्नांत...

पण काहीना हे मृगजळ , म्हणजे असते
अशा , उमेद .....
जी हाथ देते निराशेच्या भवसागरातून.
ओढ जिची घेते सर्व संकटांचा समाचार.

मग ह्याला खोट मानून त्रस्त व्हायचं ?
का ह्याचे अस्तित्व जाणून प्रयत्नात राहायचं ?