दर वर्षीचा तोच पावसाळा

दर वर्षीचा तोच पावसाळा,
तीच माती आणि तेच चिंब भिजणारे आपण ...

काहीही बदलत नाही .. वर्षे सरकतात
आणि दर वर्षीच्या पावसाचीही ओढही तीच .

पण त्याच पावसामध्ये शिंपडणारे पाण्याचे थेंब ..
ते मात्र दर वेळेस नवीन असतात ...

पण ते थेंब नवे .. जेव्हाही येतात
अनेकदा जुन्या आठवणी आपणास देतात ..

साठवताना थेंब .. चटकन तो कुठे तरी विरून जातो ..
पण आठवणींच्या ओंजळीत एक मोती आणखी भरतो ..

अंगावरून ओरघळणारा थेंब परत नव्याने भेटूया सांगतो ..
मात्र जुन्या आठवणींना परत एकदा उजाळून जातो.